Búsvæði

Hvalir velja sér búsvæði eftir aðstæðum 

Dvöl tegunda á ákveðnu svæði og dreifing þeirra er háð því að aðstæður henti þeim. Rannsóknir á búsvæðum beinast að tengslum tegundanna við eiginleika svæðanna. Þeir eiginleikar sem horft er til eru sjávarhiti, dýpi, halli sjávarbotns, yfirborð sjávarbotns, mettun blaðgrænu, selta og hafstraumar. Rannsóknir á búsvæðum á Skjálfandaflóa beinast að hrefnum, hnúfubökum og blettahnýðum. Með rannsókn á tengslum þessara tegunda við nærumhverfið er mögulegt að finna út dreifingu þeirra í flóanum og bestu svæðin til fæðuöflunar.

Bestu svæðin 

Tegundirnar sem rannsóknin beinist að sækja langmest í þau svæði þar sem hafsbotninn er brattastur. Miklum halla á hafsbotninum tengist ýmis virkni svo sem uppstreymi sem eykur blöndun vatns og örvar framleiðni. Frjósöm svæði laða að sér æti hvalanna þannig að það verður þétt og ríkulegt.

Myndirnar sýna dýpi og þéttleika blettahnýða (til hægri)
á Skjálfanda 2004 til 2006.