Hegðun

Félagsleg tengsl 

Félagsleg tengsl hvala eru mjög breytileg allt frá flóknum samfélögum tannhvala til einlífis skíðishvala þar sem félagsleg grunneining er móðir og kálfur. Sumar tegundir verja allri ævi í vel skipulögðum hópum þar sem allir einstaklingarnir eru skyldir innbyrðis, þeir þróa veiðiaðferðir sem byggjast á þessum langtímatengslum. Snerting virðist notuð til að viðhalda skipan innan hópsins og snerting gegnir mikilvægu hlutverki í mökunarferli flestra tegunda.

Bægslagangur við yfirborð 

Læti við yfirborð svo sem stökk og sláttur með bægslum og sporði hefur verið túlkað sem viðvörunarmerki (merki um hættu), gremja eða að dýrin séu einfaldlega að hrista af sér sníkjudýr. Gagnkvæm aðstoð er enn ein sönnun flókinnar hegðunar. Það er vel þekkt að félagar í hjörðum vernda og aðstoða særð eða deyjandi dýr.