Vísindaráðið fór yfir ástand hvalastofnana og kom með nýjar upplýsingar um fjölmargar tegundir. Ráðið sýndi fram á aukinn fjölda hnúfubaka, steypireyða og sléttbaka á suðurhveli jarðar. Upplýsingar um aðrar tegundir eru enn takmarkaðar. Auk þessa hefur ráðið séð fyrir ráðgjöf varðandi veiði frumbyggja og koma í veg fyrir neikvæð áhrif á viðeigandi hvalastofna.

 Námsbúðir um veðurfar á heimskautasvæðum og hlýnun jarðar, The Ice Climate Education Camp 2009 (I.C.E.) eru nú haldnar annað árið í röð á Húsavík og í Hvalasafninu. Skipuleggjandi búðanna er Arved Fuchs, þýskur landkönnuður og heimskautafari. Nemar frá öllum heimshornum tóku þátt í samkeppni um þátttöku í búðunum. Valdir voru tíu nemar sem boðið var til vinnu- og fræðslubúða um hlýnun jarðar og möguleg áhrif hennar á norðurheimskautssvæðið. Þátttakendur í ár eru frá sjö löndum.

Ný sýning um sögu hvalasafnsins og breytingu gamla sláturhúss KÞ í hvalasafn verður opnuð n.k. miðvikudag, 24. júní kl. 18:00. Opið hús, allir velkomnir. Sérstakur gestur verður Ásbjörn Björgvinsson, stofnandi og forstöðumaður safnsins til sumarsins 2008. Einnig fær hann viðurkenningu fyrir störf sín í seinustu 11 ár.

Hnúfubakarnir í flóanum buðu Húsvíkingum og gestum þeirra upp á skrautsýningu í gærkvöldi með blæstri og bægslagangi rétt fyrir utan Bökugarðinn.

Tvær steypireyðar sáust í kvöldferðum hvalaskoðunarbáta frá Húsavík í gærkvöldi.

Heimasíða hvalasafnsins er nú á Íslensku. Hér er að finna margvíslegan fróðleik um hvali og tengdan hvölum auk upplýsinga um safnið. Við vonum að landinn taki þessarri nýju síðu vel og nýti sér til gagns og ánægju.