Hvalasafnið fékk góða gesti í morgun. Tuttugu og átta meðlimir kórs Öldutúnsskóla í Hafnarfirði eimsóttu safnið, fengu smá fræðslu og skoðuðu sig um. Þessi glæsilegi og prúði hópur þakkaði vel fyrir sig með því að taka lagið í hvalveiðisöguherberginu. Söngvararnir, Brynhildur stjórnandi og foreldrar gerðu góðan róm að hljómburðinum á safninu. Við þökkum þessum glæsilega hópi fyrir komuna og minnum á sameiginlega tónleika þeirra með kór Borgarhólsskóla í sal Borgarhólsskóla kl. 19:30 í kvöld.