Nú er unnið að endurgerð hvalaskoðunarherbergisins, herbergið er endurgert frá grunni. Gestir framtíðarinnar munu ganga um borð í bát þegar þeir skoða herbergið en hvalaskoðunarfyrirtækið Norðursigling gefur eftirlíkingu af hádekki Knarrarins, fyrsta hvalaskoðunarbáts fyrirtækisins. Veggir herbergisins  verða klæddir panorama-mynd af Skjálfandaflóa svo tilfinningin fyrir hvalaskoðunarferð verður raunveruleg. Listasmiðurinn Eggert Jóhannsson smíðar framdekk Knarrarins með dyggri aðstoð Antons Harðarsonar. Hér má sjá myndir frá framgangi verksins, áætlað er að sýningin verði fullbúin í apríl eða maí 2010.